Die Muatta – von Herbert Jordan
Da Postinga hat heit nix bracht.
Sie macht si an Kaffee af ´d Nacht
Und trinkt´n ent glei nebn an Heascht.
Die Augnglasl send nix weascht.
Sie kocht sie an Kaffee af´d Nacht.
Da Postinga hat heit nix bracht.
Sie draht ben Radio a Bois.
Ob er af´d Feischtag kimb, da Lois?
Da Postinga hat heit nix bracht.
Obs´decht af´d Feistag öppas bacht!
Die brauna Keks mit Mandlkearn,
dö hat a oiwei mögn so gern,
die Schwiegatochta hat ´s nia kost.
Vielleicht brings´s morgn öppas die Post?
Sie kocht sie an Kaffee auf d´Nacht.
Da Vötta hat an Christbamm bracht.
Sie nimb die Schachtl aus da Lad
Mit´n Christbammzoig, was halt no hat.
„Wann ´s kemmand, muaß I ummi laffn
Zun Kruma und no Köschzn kaffn“.
Heit hat die Post a Packtl bracht!
Sie macht si an Kaffee af d´Nacht
Und dunkt a nötla Keks drin ei,
was s´gfundn hat an Packtl drei.
Sie kemmand nit! Die Kina send bei I h r e Leit in böste Händ,
einmalig is die Gelegenheit,
sie fliagn af Afrika no heit.
„Du wascht dös sicha guat vasteh´,
bleib gsund und laß dir´s recht guat geh!“
Voi Gloria da Radio.
Christus der Retter, der is do!
Laufet ihr Hirten, lafft´s oi zamm
Und dunki bleibb da Tannabamm.
Sie hat si a da Heiling Nacht
Halt wieda a Kafeedl gmacht
Und trinkt´n stahnda glei ben Heascht
Und draht an Radio o – und reascht.
Markus Mader , Pflegerischer Leiter Hospiz- und Palliativstation der Tiroler Hospiz-Gemeinschaft
—
Jetzt online spenden und eine liebevolle Begleitung schenken! Vielen Dank!
Unser Newsletter informiert Sie regelmäßig über unsere Arbeit:
Hier können Sie sich anmelden!
